تورت بالشيكولاتة اعداد ام عمر بنتي

هنضرب الدقيق المضاف اليه البيكنج بودر مع الزبدة الباردة في الكبة لحد ماتبقي زي الرمل كدة وبعدين نضيف البيضة والفانيلا ونضرب وبعدين السكر البودرة ونغلف العجينة ونسيبها ترتاح في التلاجة اقل شئ نص ساعة

مقادير التارت:

كوب وتلات اربع دقيق..نشيل منه معلقتين ونخليهم كاكاو خااام مبحبش كاكاو الشرب في الحلويات اطلااقااا
100 جم زبدة جامدة
نص كوب سكر بودرة
بيضة وفانيلا
نص معلقة صغيرة بيكنج بودر

[ندعوك للتسجيل في المنتدى أو التعريف بنفسك لمعاينة هذه الصورة]

انا المرة دي حبيت اغير ومعملتوش في قوالب التارت المعتادة عملته في صينية الميني كب كيك الحاجات دي بقت موجودة ومتوفرة اوي دلوقتي فيه الرخيص والغالي

عملت كور وحطيتها في الصينية كدة

[ندعوك للتسجيل في المنتدى أو التعريف بنفسك لمعاينة هذه الصورة]

وممكن نعملها كدة باي حاجة عندكم..دي ايد هون علي فكرة [ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

وممكن نعمل حاجة تانية ظريييفة جداااا نفرد العجينة بين ورق زبدة ونقطعه بقطاعات الوردة كدة

[ندعوك للتسجيل في المنتدى أو التعريف بنفسك لمعاينة هذه الصورة]

هيبقي عندنا الشكلين كدة دة شكل الوردة الرااائع جدا هتشوفوا جماله بعد الخبز والحشو

[ندعوك للتسجيل في المنتدى أو التعريف بنفسك لمعاينة هذه الصورة]

ودة الشكل العادي

[ندعوك للتسجيل في المنتدى أو التعريف بنفسك لمعاينة هذه الصورة]

هنجيب بقي شوكة ونخرم التارت كدة عشان مش عايزينه يتنفخ معانا في الفرن

[ندعوك للتسجيل في المنتدى أو التعريف بنفسك لمعاينة هذه الصورة]

وندخله التلاجة شوية كمان عشان الزبدة تتماسك وانا بعمل حاجة كمان اني بعمل كور من ورق اللامونيوم بحشيه لوبيا او اي عدس واكورهم واخليهم عندي علي طول للميني تارت هنحطه كدة عالتارت

[ندعوك للتسجيل في المنتدى أو التعريف بنفسك لمعاينة هذه الصورة]

بعد مايطلع مالفرن بقي يافتوكات هنسيبه يهدي خالص ويبرد وبعدين نكون مجهزين الكراميل من بدري ويكون بارد ويفضل يكون في التلاجة قبلها بشوية كويسين عشان يتماسك

كباية سكر محروقة عالنار وبعد متاخد اللون نضيف عليها علبة قشطة بموووت فيه ياناس

[ندعوك للتسجيل في المنتدى أو التعريف بنفسك لمعاينة هذه الصورة]

هنجيب الترتات الحلوين بعد ماطلعوا مالفرن هما مش بياخدوا وقت خاالص نتابعهم اول باول ونحطلها مسحة شوكولاتة سايحة وبعدين نحشيها ونملاااااااااااااها بالكراميل باستخدام القمع او المعلقة كله ينفع

شوفوا ماشاءالله متنفخوش ازاي وفيهم فجوة كبيرة للحشو

[ندعوك للتسجيل في المنتدى أو التعريف بنفسك لمعاينة هذه الصورة]

واااخيييييييييرا بقي عندك تارت شوكولاتة طعمه بجد يدوووووووووخ وشكله مفيش احلي من كدة كانك جيباه جاهز بالشئ الفلاني

[ندعوك للتسجيل في المنتدى أو التعريف بنفسك لمعاينة هذه الصورة]

ممكن نعمله بالشوكولاتة بس وممكن في قلب الكراميل نحط قطع شوكولاتة

[ندعوك للتسجيل في المنتدى أو التعريف بنفسك لمعاينة هذه الصورة]

مقرمش ولا يقاااوم بصراحة

[ندعوك للتسجيل في المنتدى أو التعريف بنفسك لمعاينة هذه الصورة]

ممكن تنفذو الفكرة في قوالب التارت العادية لو مفيش صينية الميني كب كيك او ممكن تعملوها في صينية الكب كيك بس هيبقي الحجم اكبر شوية

[ندعوك للتسجيل في المنتدى أو التعريف بنفسك لمعاينة هذه الصورة]

دة طبق لكل الحلوييييييييين الي بيحبوا التارت والكراميل

[ندعوك للتسجيل في المنتدى أو التعريف بنفسك لمعاينة هذه الصورة]

شوفوا جمال الكراميل من جوة رهييييييب بيدوب دوووب

[ندعوك للتسجيل في المنتدى أو التعريف بنفسك لمعاينة هذه الصورة]